Respublikamızdaǵı mekteplerge qádem qoyıp atırǵan oqıwshılar ushın «Prezident sawǵası» toplamları jetip keldi
Qaraqalpaqstan Respublikasındaǵı ulıwma orta bilim beriw mekteplerine 2025-2026-oqıw jılında 36 050 oqıwshınıń 1-klassqa qabıl etiliwi kútilmekte.

Olarǵa 12 atamadaǵı «Prezident sawǵaları» tapsırılıwı belgilengen bolıp, bul iygilikli baslama húrmetli Prezidentimiz tárepinen jas áwladtıń tálim-tárbiyasına, olardıń intellektuallıq hám ruwxıy rawajlanıwına qaratılǵan joqarı itibarı hám turaqlı ǵamxorlıqtıń ámeliy kórinisi bolıp esaplanadı.
Jańa oqıw jılı baslanǵanǵa shekem bul sawǵalar basqıshpa-basqısh barlıq mekteplerge jetkerilip, oqıw jılınıń birinshi kúni oqıwshılarǵa tapsırıladı.
«Prezident sawǵası» toplamları quramında «Álipbe» sabaqlıǵı, jazıw dápterleri, reńli qaǵazlar toplamı, súwret dápteri, reńli qálemler, jelim, papka hám basqa da zárúr oqıw quralları orın alǵan.

Qaraqalpaqstan xabar agentligi