Usı jıldıń iyul ayında mámleketimizdiń Túrkiyadaǵı diplomatiyalıq wákilxanasınıń «facebook»taǵı betinde járiyalanǵan videokontent hám onıń sheńberinde baqlanǵan unamlı pikirler sociallıq tarmaqlardıń potencialın hám kúshin ayqın kórsetip berdi, dep jazbaqta «Dunyo» MA.

«Túrkiyalı belgili fud-bloger CZN-Buraktıń Ózbekstan bayraǵı sáwlelengen túrk tilindegi “kunefe” mazalı zatın pisirgenligi haqqındaǵı videoga juwap retinde “food.travel.uz” aspazları tárepinen tayarlanǵan ózbek palawı ústinde sáwlelengen túrk bayraǵı videosı mámleketimiz elshixanasınıń sociallıq tarmaqlardaǵı betinde “CZN-Buraktıń Ózbekstan haqqındaǵı postına ózbek aspazlarınan ájayıp juwap: Túrkiya bayraǵı astında ózbek palawı. Jasasın ózbek-túrk tuwısqanlıǵı!” ataması astında jaylastırıldı.
Bul videokontent járiyalanǵannan soń Túrkiya jámiyetshiligi tárepinen unamlı kútip alındı. 272 márte bólistirilgen postqa 22 mıńnan aslam adam “like” basqan. Kontentti bolsa 1 millionnan aslam adam kórdi.
Itibarlı tárepi, bul post baqlawshılar arasında unamlı atmosfera jarattı hám onıń astına 235 adam óz pikirlerin jazıp qaldırdı», – delinedi xabarda.

Qaraqalpaqstan xabar agentiligi