Ayrıqsha jaǵdaylar ministrligi akademiyasında “Ózbekstan Respublikası Qurallı Kúshlerinde ekstremizm hám terrorizmge qarsı gúresiwdiń huqıqıy tiykarları” atamasında ruwxıy-aǵartıwshılıq ilaj bolıp ótti.

Ilajda búgingi kúnde hákimiyatqa umtılıp atırǵan, diniy súrenlerdi nıqap etip alǵan ayırım toparlar Oraylıq Aziya mámleketlerine unamsız tásir ótkerip atırǵanı, bunıń bizge jetip barmawı ushın bárqulla sergek bolıw kerek ekenligi atap ótildi.
Sonday-aq, diniy fanatizm, ekstremizm, terrorizm, missionerlik, ǵalabalıq mádeniyat sıyaqlı qáwip-qáterler mámleket hám jámiyet qáwipsizligine, puqaralardıń tınıshlıǵına úlken qáwip sıpatında kózge taslanıp atırǵanı haqqında sóz boldı.
Ilaj sońında ashıqtan-ashıq sóylesiw bolıp ótti. Soraw-juwaplar dawamında tıńlawshılardı qızıqtırǵan sorawlarǵa juwaplar berildi.

Gulnoza Boboeva, ÓzA