Usı jılı Qazaqstannıń qublasında suwǵarıw ushın suw tamtarıslıǵı keskinleskeni sebepli Ózbekstan hám Qırǵızstan qońsılas mámleketke 600 million kub metr suw jiberedi. Bul haqqında Qazaqstan Bas ministriniń orınbasarı Kanat Bozumbaev málim etti.

Onıń aytıwınsha, suw támiynatı boyınsha házirgi jaǵday jedel ilaj kóriwdi talap etpekte. Burın erisilgen úsh tárepleme kelisimler nátiyjesinde Qazaqstan diyqanshılıq talapların qanaatlandırıw ushın zárúr muǵdarda suw menen támiyinlenedi.
Qazaqstan rásmiyleri Ózbekstan hám Qırǵızstan wákilleri menen sóylesiwler ótkergen.
Bozumbaevtıń atap ótiwinshe, 2025-jılı Oraylıq Aziyada klimat sharayatı awır bolmaqta – suw azayǵan, jazda temperatura joqarı, jawın-shashın jeterli emes. Bul jaǵday suwdıń jumsalıwın arttırǵan, biraq onıń kirip keliwi azayǵan.

Qaraqalpaqstan xabar agentligi