Sońǵı jılları mámleketimiz basshısı tárepinen jol-transport infrastrukturasın modernizaciyalaw, jollardı ońlaw hám jańa jónelislerdi qurıw boyınsha bir qatar áhmiyetli qarar hám pármanlar qabıl etilmekte.

Bul reformalar nátiyjesinde elimizdiń barlıq aymaqlarında, atap aytqanda, shetki rayon hám awıllarda da jol tarmaqları izbe-izlik penen jańalanbaqta.
Avtomobil jolları komiteti ulıwma paydalanıwdaǵı avtomobil jollarında alıp barılıp atırǵan ońlaw hám qurıw jumısları haqqında maǵlıwmat berdi.
Atap ótilgenindey, Qaraqalpaqstan Respublikası aymaǵı geografiyalıq hám klimatlıq jaqtan quramalı bolıwına qaramastan, sońǵı jılları bul jerde sociallıq hám ekonomikalıq infrastrukturanı jaqsılaw, transport jolların ońlaw hám modernizaciyalaw boyınsha bir qatar ámeliy joybarlar turmısqa engizilmekte.
Aymaqlıq joybarlardıń ámeliy kórinisi sıpatında Kegeyli rayonında alıp barılıp atırǵan jol qurılısı jumısları itibarǵa ılayıq. Atap aytqanda, D234 (4R176) “Nókis-Shımbay-Taxtakópir” avtomobil jolınıń 35-36-kilometr aralıǵında asfalt tósew jumısları alıp barılmaqta. Beruniy TYFDM tárepinen shólkemlestirilgen bul ońlaw jumıslarına 10 arnawlı texnika, 17 jumısshı tartılǵan. Ońlaw jumısları joqarı texnologiyalıq talaplar tiykarında alıp barılmaqta. Qurılıs jumısları juwmaqlanǵannan soń, joldıń ótkeriwsheńlik qábileti sezilerli dárejede artadı, transport aǵımı tegislenedi, jolawshılardıń qáwipsizligi támiyinlenedi hám jergilikli ekonomikalıq belsendilik ushın qolaylı sharayat jaratıladı.
Arnasay rayonında Aydar-Arnasay turizm orayınıń qurılısı múnásibeti menen bul jerde aeroport qurılısı jedel pátlerde dawam etpekte.
Zamin rayonı Jollardan paydalanıw mámleketlik mákemesi tárepinen obektte 300 mıń kub metr topıraq jumısları orınlandı, obektke zárúr bolatuǵın 1200 kub metr qum-sheben aralaspası arnawlı avtotransport quralları járdeminde tasıp keltirilip, rezerv jaratıldı. Processlerge 100 ge shamalas mashina-mexanizm jáne 120 jumısshı hám mexanizator tartılǵan.
Bunnan tısqarı, D012 “Bektemir-Shırshıq-Ǵazalkent-CHarvaq qorǵanı” avtomobil jolınıń 26,3-kilometrinde temir jol ústinen ótetuǵın jol ótkeli hám uzınlıǵı 900,2 metrlik jol qurılıp, paydalanıwǵa tapsırılıw aldında.
Sonday-aq, Tashkentten CHarvaqqa shekemgi aralıqta jańa avtomobil jolın qurıw rejelestirilgen. Bul joybar Tashkent wálayatı hám Tashkent hám Sırdárya wálayatların qamtıp alǵan “CHarvaq-CHimyon” rekreaciyalıq aymaǵına qatnawdı jaqsılaw maqsetinde ámelge asırıladı.
Málim etiliwinshe, jol qurılısı koncepciyası álleqashan islep shıǵılǵan. Bul joybar tańlaw tiykarında jetekshi kompaniyalar menen birgelikte, mámleketlik-jeke menshik sheriklik mexanizmleri sheńberinde orınlanadı. Paydalanıwdaǵı jolǵa tiymegen halda jańa Tashkent – CHarvaq avtomobil jolınıń qurılısı da baslap jiberiledi.
Buxara rayonında qurılıp atırǵan jańa xalıqaralıq aeroport házirgi paydalanıp kiyatırǵan aeroporttan úsh ese kóp quwatlılıqqa iye jańa zamanagóy xalıqaralıq aeroport bolıwı maqset etilgen. Mámleketlik-jeke menshik sheriklik tiykarında ulıwma bahası 226 million AQSh dollarına teń bolǵan bul iri joybar sheńberinde dúnya standartlarına say zamanagóy aeroport qurıladı. Xızmet kórsetiw terminalı arqalı saatına 1 mıń 200 jolawshını uzatıp-kútip alatuǵın bul aeroport Buxara qalasınıń da ózine tán kórki bolıwı kútilmekte.

ÓzA