Mámleketimiz basshısınıń sanlı ekonomikanı rawajlandırıw, ásirese, jaslardı málimleme texnologiyaları tarawına tartıw baǵdarındaǵı turaqlı itibarı hám kórsetpeleri nátiyjesinde elimizdiń eń shetki aymaqlarında da jańasha imkaniyatlar jaratılıp, zamanagóy baslamalar turmısqa engizilmekte.

Bunıń ayqın mısalı sıpatında, Moynaq rayonı orayında Biznes processlerin autsorsing etiw orayı (VRO – Business Process Outsourcing) óz jumısın basladı.
Bul orayda sırt mámleketlerdiń puqaralarınıń múrájatları qabıl etilip, tiyisli uyımlarǵa jiberiledi. Eń áhmiyetlisi, oray arqalı 10 jas turaqlı jumıs ornı menen támiyinlendi. Olar, mektep pitkeriwshisi bolıwına qaramastan, qolaylı hám zamanagóy miynet sharayatında nátiyjeli jumıs alıp barmaqta.
Jas qánigeler ózleriniń minnetdarshılıqların bildirip, mámleket basshısınıń ǵamqorlıǵı hám jaratılıp atırǵan imkaniyatlardan qanaatlanatuǵının atap ótpekte.

Qaraqalpaqstan xabar agentligi