Moynaq rayonında “Bir nuranıy – on jasqa juwapker” atamasında tańlaw ótkerildi. Oǵan hár qıylı shólkemlerden juwapkerler, nuranıylar hám jaslar qatnastı.

Ótkerilgen ruwxıy-aǵartıwshılıq ilajda Nuranıylar qorı Qaraqalpaqstan Respublikası bóliminiń baslıǵı T.Abdijabbarov, Ruwxıylıq hám aǵartıwshılıq orayı Moynaq rayonlıq bóliminiń baslıǵı G.Toqsanbaeva, ÓzLiDePten deputat A.Tleuov hám basqalar shıǵıp sóylep, jaslarǵa ózleriniń tájiriybelerinen kelip shıǵıp bahalı másláhátlerin berdi.
Tańlawdıń tiykarǵı maqseti – máhállelerde jaslar menen islesiw sistemasın jáne de kúsheytiw, olardıń tárbiyasında nuranıylardıń tájiriybesi hám turmıslıq sabaqlarınan keńnen paydalanıw, jası úlken insanlardıń jámiyettegi ornın bekkemlewden ibarat.
Bul baslama Prezidenttiń jaslarǵa baylanıslı qararlarında belgilengen wazıypalardıń ámeliy orınlanıwı sıpatında ótkerildi. Tańlaw sheńberinde nuranıylar hám jaslar arasındaǵı baylanıslar bekkemlendi, al máhálle hám shólkemler arasında jańa birge islesiw baǵdarları qáliplesti.
Tańlaw nátiyjelerine bola Qızıljar APJdan A.Eshmaganbetov birinshi, Doslıq MPJdan Q.Qallıqorazov ekinshi, Mádeli APJdan J.Japarov úshinshi orınlardı iyeledi.
Shınında da, bunday ilajlar nuranıylardıń turmıslıq tájiriybelerin jaslarǵa jetkeriw, olardı ruwxıy jaqtan tárbiyalawǵa xızmet etpekte.
Jeńimpazlar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.

Qaraqalpaqstan xabar agentligi