Ózbekstan Ekologiyalıq partiyası tárepinen járiyalanǵan “Ekologiyalıq mádeniyat aylıǵı” sheńberinde Shımbay rayonındaǵı Abat mákan mákan puqaralar jıyını aymaǵında gezektegi abadanlastırıw ilajı shólkemlestirildi.

Onda partiyanıń Taqıyatas, Beruniy, Qaraózek hám Shımbay rayonlıq Keńesleri, jergilikli mákeme hám shólkemlerdiń wákilleri, jaslar hám hayal-qızlar qanatınıń belsendileri, sonday-aq, aymaq turǵınları qatnastı.
Ilaj dawamında aymaqtaǵı jabayı shóp orılıp, jerdi tegislew hám kóklemzarlastırıw jumısları ámelge asırıldı.
Ilaj “Jasıl mákan” ulıwma milliy joybarınıń ideyaları tiykarında shólkemlestirilip, qorshaǵan ortalıqtı qorǵaw, sanitariyalıq-gigienalıq mádeniyattı úgit-násiyatlaw hám salamat turmıs tárizin keńnen ǵalaba en jaydırıwǵa qaratılǵan.
“Ekologiyalıq mádeniyat aylıǵı” dawamında usınday ámeliy ilajlar arqalı jámiyette ekologiyalıq sana hám mádeniyattı joqarılatıw, puqaralarda juwapkershilik sezimin qáliplestiriw maqset etilgen.

Qaraqalpaqstan xabar agentligi