AQSh prezidenti Donald Tramp Rossiyaǵa qarsı jańa sankciyalar engiziw perspektivaları haqqındaǵı sorawǵa juwap berip, Ukraina átirapında kelisim boyınsha “áhmiyetli” sóylesiwler alıp barılıp atırǵanın ayttı.

– Biz oǵan jaqınlasıp atırmız hám házirgi waqıtta bul boyınsha qatań sóylesiwler alıp barılmaqta, – dedi ol.
Aldınıraq, Tramp Ukraina kelisiminen qanaatlanbasa, juma kúni jańa sheklewler boyınsha qarar qabıl etiwi múmkin ekenin aytqan edi.
Onıń sózlerine bola, házirgi “salmaqlı sóylesiwler” kelispewshilikti saplastırıw menen baylanıslı.
Xabarda aytılıwınsha, Qurama Shtatlar jetekshisi óziniń arnawlı wákili Stiv Uitkofftıń Moskvaǵa saparın jetiskenlik dep esaplamaytuǵının aytqan.
– Durıs, Ukrainada AQSh áskerleri joq, biraq men qarama-qarsılıqtı toqtatıw minnetlemesin sezip atırman, – degen Aq úy basshısı.
Óz gezeginde, AQSh mámleketlik xatkeri Marko Rubio “Fox News”telekanalına intervyu berip, prezident Tramp tez arada RFǵa qarsı sankciyalar haqqında qarar qabıl etetuǵının málim etti.
Onıń atap ótiwinshe, Stiv Uitkoftıń Moskvaǵa saparınan soń, Qurama Shtatlar Ukrainadaǵı kelispewshilikti saplastırıwǵa burınǵıdan da jaqınıraq.

S.Rahimov, ÓzA