Aldın xabar bergenimizdey, ishki kanallardı betonlaw jumısları alıp barılmaqta.

Házirgi waqıtta barlıq rayonda beton aralastırıwshı texnika hám úskenelerden paydalanıw imkaniyatı jaratıldı,-dep xabar bermekte Suw xojalıǵı ministrliginiń baspasóz xızmeti.
Usı jıldıń basınan rayonlardaǵı “Suw jetkerip beriw xızmeti” mámleketlik mákemeleriniń materiallıq-texnikalıq bazasın bekkemlew maqsetinde arnawlı texnikalardı satıp alıw jumısları baslanǵan edi. Bul baǵdardaǵı satıp alıw shártnamaları tiykarında sońǵı “Karmix” beton aralastırıwshı arnawlı texnikası Shımbay rayonına jetkerildi.
Usı tárizde Qaraqalpaqstannıń barlıq rayonlarındaǵı suw xojalıǵı shólkemleri jańa “Karmix” texnikaları menen támiyinlendi. Endi, olar ózleriniń esabındaǵı kanallardı betonlawda usı texnikalardan paydalanıp, jumısları jedellespekte.
Házirgi kúnde bul jańa texnikadan Shımbay rayonındaǵı “Shoqarıq” ishki kanalın betonlastırıwda nátiyjeli paydalanılmaqta. Beton aralastırıwshı texnika onlaǵan jumısshı kúshin únemlewge hám jumıs ónimdarlıǵın arttırıwǵa xızmet etpekte.

Qaraqalpaqstan xabar agentligi.