Yaponiyanıń Nissan kompaniyası avtomobil kuzovın ıssı quyashta qızıp ketiwden qorǵay alatuǵın hám salondı salqın saqlay alatuǵın salqınlatıwshı boyaw ústinde islemekte. Jaz kúnleri kúni menen quyash astında turǵan avtomobilge otırıw qolaysızlıǵı derlik hár bir aydawshıǵa tanıs. Bul mashqalanı sheshiw ushın Nissan jańa texnologiyalıq qatnas usınıs etpekte.

Ápiwayı avtomobil boyawları ádette rezina tiykarında islep shigarıladı. Quyash nurları tásirinde bul materialdaǵı molekulalar terbele baslaydı hám nátiyjede jıllılıq payda bolıp, avtomobildiń ishki temperaturası keskin artadı. Mısalı, Arizona shtatı universiteti hám San-Diego medicina mektebiniń izertlewlerine bola, jaz aylarında avtomobil salonındaǵı temperatura 70 gradusqa shekem kóteriliwi múmkin.
Nissannıń jańa suwıtıwshı boyaw texnologiyasında bolsa eki túrli mikrostrukturalı metamaterial qollanılǵan:
Birinshisi quyash spektrindegi jaqın infraqızıl nurlardı sáwlelendiredi, bul bolsa avtomobildiń betine túsetuǵın jıllılıq muǵdarın azaytadı.
Ekinshisi bolsa jıllılıqtı elektromagnit tolqınlar kórinisinde atmosferadan sırtqa shıǵaradı, bul bolsa ishki temperaturanıń kóteriliwiniń aldın aladı.
Texnologiyanıń abzallıqları:
Kondicionerden paydalanıw zárúrligi azayadı;
Dvigatel yaki elektr dvigatel júklemesi jeńillesedi;
Elektromobiller ushın áhmiyetli bolǵan batareya jumsalıwı qısqaradı;
Janılǵı nátiyjeliligin arttırıwǵa xızmet etedi. Házirgi waqıtta bul suwıtqısh boyawdıń aq reńli versiyası sınaqtan ótkerilmekte. Keleshekte onı basqa reńlerde de islep shıǵıw rejelestirilmekte.
Bul texnologiya tek ǵana aydawshılar ushın qolaylıq jaratıp qoymastan, al ekologiyalıq hám energiyanı únemlew kózqarasınan da úlken áhmiyetke iye bolıwı kútilmekte.

ÓzA