Fotoreportaj

Qaraqalpaqstan Respublikasınıń Nókis rayonı tiykarınan palız eginleri hám miywe-ovoщ jetistiriwge qánigelesken bolıp, búgingi kúnde 59 fermer hám awıl xojalıǵı kárxanalarına jer maydanı ajıratıp berilgen. Miywe jetistiriw hám júzimgershilikti rawajlandırıw maqsetinde 118 fermer hám awıl xojalıǵı kárxanası tárepinen 432 gektar maydanda baǵ jáne 15 fermer hám awıl xojalıǵı kárxanasında 28 gektar júzim plantaciyası jaratılǵan.
Rayonnıń Taqırkól awılında jasawshı Amangúl Allambergenova 2005-jılı shańaraqlıq isbilermenlik tiykarında “Diana Mardona” fermer xojalıǵın shólkemlestirgen. Xojalıq qaramaǵındaǵı jerdiń 10 gektarı egislik maydanı, 5 gektarı zúráátli baǵ, 2 gektarı biyday atız, 3 gektarı palızdı quraydı. 3 gektar jerde pilleshilik penen shuǵıllanıwshılarǵa járdem sıpatında tutzarlıq jaratılǵan. Sonday-aq, eki sotıx jerde erte egislikler ushın ıssıxana shólkemlestirilgen. Bir gektar jerde jetistirilip atırǵan qawın bolsa Qazaqstan Respublikasına eksport etilmekte.
Isbilermen shańaraq hár bir qarıs jerden únemli paydalanıp, atız shetlerine de 1000 túp aq terek hám 500 túp qara tal ekken. Sonday-aq, kútimde 30 qutı pal hárresi de bar.
Xojalıqta 15 adamǵa turaqlı jumıs ornı bar. Máwsimde bolsa jáne 10-15 adam jumıs penen támiyinlenedi.

Maqset HABIBULLAEV (súwret),
ÓzA