4-avgust – Ózbekstan Respublikası Milliy gvardiyası shólkemlestirilgen kún múnásibeti menen Qońırat rayonında jaylasqan Milliy gvardiya Qaraqalpaqstan Respublikası boyınsha basqarmasınıń áskeriy bóliminde saltanatlı bayram ilajı bolıp ótti.

Ilajda Qońırat rayonı hákimi B.Madaminov hám Milliy gvardiya Qaraqalpaqstan Respublikası boyınsha basqarmasınıń baslıǵı polkovnik M.Yusupovlar shıǵıp sóylep, taraw wákillerin usı qutlı sáne menen qutlıqladı. Óziniń qızǵın qutlıqlawında Milliy gvardiya xızmetkerleriniń tınıshlıq hám tatıwlıqtı saqlaw baǵdarındaǵı xızmetlerin ayrıqsha atap ótip, olardıń mashaqatlı, biraq maqtanıshlı jumıslarında tabıslar, kúsh-ǵayrat tiledi.
Atap ótilgenindey, bul sáne elimizdiń qáwipsizligi, jámiyetlik tártipti saqlaw hám puqaralardıń tınıshlıǵın támiyinlew jolında pidákerlik penen xızmet etip atırǵan Milliy gvardiya xızmetkerleri ushın maqtanıshlı kún bolıp esaplanadı.
Ilaj dawamında óz kásibine sadıqlıq penen qatnasta bolıp, úlgili xızmet etip atırǵan bir qatar taraw pidayıları kókirek belgisi, húrmet jarlıqları, áskeriy ataqlar hám bahalı estelik sawǵaları menen sıylıqlandı.
Ózbekstan Respublikası Milliy gvardiyası sárkardasınıń tiyisli buyrıǵı menen Qońırat rayonı hákimi B.Madaminov “Samarali hamkorlik uchun” kókirek belgisi menen sıylıqlandı.
Bayram ilajı mádeniyat bólimi tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi