“Baslamalı byudjet” baǵdarlamasınıń 2025-jıl birinshi máwsiminde Kegeyli rayonı Aqtuba APJ aymaǵındaǵı “Ayaqshı awıl” kóshesin asfaltlaw joybarı eń kóp dawıs jıynap, jeńimpaz dep tabılǵan edi.

Bul joybar sheńberinde usı kósheniń 2 kilometr 500 metr bólegin asfalt qaplaması menen jańalaw, xalıq ushın qolaylı hám qáwipsiz transport háreketin támiyinlew maqset etilgen. Xalıq tárepinen alǵa qoyılǵan bul baslama orınlardaǵı infrastrukturanı jaqsılaw, sociallıq-ekonomikalıq sharayatlardı jáne de turaqlastırıwǵa xızmet etedi.
Házirgi waqıtta joybar tiykarında qurılıs-ońlaw jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkemi buyırtpası tiykarında, “Doniyor avto servis” JShJ tárepinen alıp barılmaqta.
Bul joybar tek ǵana transport háreketin jeńillestirip qoymastan, al Aqtuba APJ turǵınları ushın kúndelikli turmıstı qolaylastıradı, abadanlastırıwǵa tiykar jaratadı hám rayondaǵı sociallıq infrastrukturanıń rawajlanıwına xızmet etedi.

Qaraqalpaqstan xabar agentligi