Tárepler Seuldiń Amerika joybarlarına 350 milliard dollar investiciya kirgiziw hám energiya resursların satıp alıw minnetlemesin beriwshi kelisimge qol qoydı, dep jazbaqta “RIA Novosti” basılımı.

Bunnan tısqarı, Seul óz bazarın Amerika tovarları, sonıń ishinde, avtomobil úskeneleri hám awıl xojalıǵı ónimleri ushın tolıq ashadı.
Hújjette AQShtıń Qubla Koreyadan keletuǵın tovarlarǵa 15 procentlik bajı engiziwi de kórsetilgen. Ayırım bántlerge bola, amerikalı jetkerip beriwshilerge tarifsiz paydalanıw imkaniyatı beriledi.
Qubla Koreya prezidenti Li CHje Myon bul kelisimdi unamlı bahalap, ol eki tárep ushın da paydalı bolatuǵının atap ótti. Sonday-aq, koreys jetekshisiniń eki hápte ishinde Aq úyge keliwi de kelisip alınǵan.

S.Rahimov, ÓzA