Senat jalpı májilisinde “Ózbekstan Respublikasınıń ayırım nızam hújjetlerine muwapıqlıqtı bahalaw uyımlarınıń juwapkershiligin bunnan bılay da arttırıwǵa hám ónimlerdi óz ıqtıyarı menen shaqırıp alǵan isbilermenlerge jeńillik beriwge qaratılǵan qosımshalar hám ózgerisler kirgiziw haqqında”ǵı nızam dodalandı.

Senatorlar tárepinen sońǵı jılları mámleketimizde muwapıqlıqtı bahalaw processlerine zamanagóy usıllardı engiziw arqalı tutınıwshılardıń huqıqların qorǵaw jáne olardıń ómiri hám densawlıǵın qorǵawǵa qaratılǵan bir qatar jumıslar ámelge asırılıp atırǵanı atap ótildi.
Senat aǵzaları muwapıqlıqtı bahalaw qaǵıydaların buzǵanı ushın tásir ilajların kúsheytiw, texnikalıq reglamentlerdiń talaplarına juwap bermeytuǵın ónimdi shaqırıp alǵan isbilermenlerge jeńillik beriw mexanizmlerin qáliplestiriw maqsetinde nızamshılıq hújjetlerin bunnan bılay da jetilistiriw zárúr ekenligine ayrıqsha toqtap ótti.
Nızam menen Puqaralıq kodeksi, “Tutınıwshılardıń huqıqların qorǵaw haqqında”ǵı, “Standartlastırıw haqqında”ǵı hám “Texnikalıq jaqtan tártipke salıw haqqında”ǵı nızamlarǵa muwapıqlıqtı bahalaw uyımlarınıń juwapkershiligin arttırıwǵa jáne texnikalıq reglamentler hám qollanılıwı májbúriy bolǵan standartlarǵa juwap bermeytuǵın ónimdi shaqırıp alǵan isbilermenlikti xoshametlewge qaratılǵan qosımshalar hám ózgerisler kirgizilmekte.
Senatorlar maqullaǵan nızam keleshekte muwapıqlıqtı bahalaw uyımlarınıń juwapkershiligin arttırıwǵa hám tutınıwshılardıń huqıqların jáne de isenimli qorǵawǵa xızmet etedi. Tiyisli talaplarǵa juwap bermeytuǵın ónimdi shaqırıp alǵan yuridikalıq táreplerdi finanslıq sankciyalardan azat etiw arqalı sapasız hám qáwipli ónimlerdiń realizaciyası jáne tutınıwın sheklewdi támiyinleydi.

N.Abduraimova, ÓzAnıń xabarshısı