Siriya sırtqı isler ministri Asad Al-Shibaniy Moskvaǵa saparı waqtında Damask Rossiya menen tıǵız birge islesiwdi dawam ettiretuǵının atap ótti. Bul Bashar Al-Asad hákimiyattan awdarılǵannan soń, jańa húkimet aǵzasınıń RFǵa dáslepki saparı boldı.

Kremlge kelgen Al-Shibaniy prezident Vladimir Putin menen ushırasıp, Rossiyanı “ótiw dáwirindegi ádillik” procesinde Damasktı qollap-quwatlawǵa shaqırdı.
RF sırtqı isler ministri Sergey Lavrov Siriya xalqına “turaqlılıqtı tiklew hám barlıq mashqalalardı jeńip ótiwde” járdem beriwge tayar ekenin bildirdi. Sonıń menen birge, jańa húkimettiń Rossiya puqaraları hám obektleriniń qáwipsizligin támiyinlew boyınsha kórgen ilajların joqarı bahaladı.
Sóylesiw dawamında Al-Shibaniy Izraildıń Siriyanıń ishki islerine aralasıwın sınǵa alıp, bul “ishki kelisimge erisiw procesin qıyınlastıradı” dedi.
Bizge belgili, RF Siriya jaǵalarında hawa hám teńiz bazaların saqlap qalmaqta hám Damasqqa neft jetkerip beriwdi dawam ettirmekte. Sóylesiwlerde eki mámleket qorǵanıw ministrleri de qatnasıp, áskeriy birge islesiw hám Jaqın Shıǵıstaǵı jaǵdaydı dodaladı.

Muslim Ziyo, ÓzA