“BBC”diń maǵlıwmatlarına bola, Ullı Britaniyada jańadan kúshke kirgen kiberqáwipsizlik haqqındaǵı nızam sebepli mámlekette sociallıq tarmaqlar, sonıń ishinde, “X” (burınǵı Twitter) hám “Reddit” Ukraina hám Ǵaza haqqındaǵı kontentti sheklewdi basladı.

Qızıǵı sonda, bul hújjettiń ámel etiliwi procesinde jámiyetshilik ushın áhmiyetli bolǵan kontentlerdiń bloklanıp atırǵanı sınǵa alınbaqta. Máselen, Kievtegi dron hújimin kórsetetuǵın video yamasa Ǵazadaǵı búlginshilikler arasınan shańaraq aǵzaların izlep atırǵan erkek haqqındaǵı postlar hátteki zorlıq kórinisleri bolmaǵan jaǵdayda da sheklengen.
Qánigeler málimleme kompaniyaları nızamdı hádden tıs qollanıp, siyasiy tartıslardı da “qáwipli kontent” sıpatında bloklawı múmkin ekeninen eskertpekte. Oksford universitetiniń professorı Sandra Vaxter bunı “jámiyetshilik mápindegi faktlerdi bastırıw qáwpi” dep atadı.
“X” iyesi Ilon Mask ta bul jaǵdaydı keskin sınǵa alıp, “xalıqtı buwıw ushın mólsherlengen” dep bahalaǵan. “Reddit” hám basqa da platformalardıń administraciyaları pármandı durıs orınlaw mexanizmlerin islep shıǵıwǵa waqıt kerek ekenligin bildirdi.
Jańa joybar ayırım zıyanlı materiallardı sheklewde nátiyjeli bolǵanı kórsetilmekte, biraq ekspertler siyasiy hám sociallıq mazmundaǵı postlardı durıs bahalaw jáne de qıyınlasıp atırǵanın atap ótpekte.

Muslim Ziyo, ÓzA