Burın xabar bergenimizdey, Ózbekstan Respublikası Oliy Majlisi Senatı Baslıǵınıń birinshi orınbasarı Sodiq Safoev basshılıǵındaǵı delegaciyanıń qatnasıwında AQSh Kongressinde “Ózbekstan kúni” ilajı tabıslı shólkemlestirilgen edi.

Ilajda AQSh Kongressi deputatları, Mámleketlik departament hám Qorǵanıw ministrliginiń wákilleri, siyasattanıwshılar, biznes hám birge islesiw tarawı boyınsha ekspertler qatnastı. Bul ilaj ekonomikalıq, mádeniy hám qáwipsizlik tarawlarında Ózbekstan hám AQSh arasındaǵı baylanıslardı bekkemlewge qaratıldı.
Bul ilaj AQSh baspasózinde keńnen sáwlelendirildi. Atap aytqanda, “Diplomatic Watch” hám “The Times of Central Asia” sıyaqlı abıraylı xalıqaralıq basılımlarda “Ózbekstan kúni” haqqında tolıq reportaj járiyalanǵan.
Baspasózde ilajdıń áhmiyeti, eki mámleket arasındaǵı baylanıslardıń jańa basqıshı, birge islesiw potencialı hám AQSh siyasiy toparlarınıń Ózbekstanǵa bolǵan isenimi barǵan sayın bekkemlenip atırǵanı ayrıqsha atap ótilgen.
“Ózbekstan kúni” ilajı Ózbekstan hám AQSh arasındaǵı kóp táreplemeli baylanıslardı bekkemlep, diplomatiyalıq, siyasiy, ekonomikalıq hám mádeniy tarawlarda sheriklikti jáne de tereńlestiriwge xızmet etetuǵını atap ótilgen.
Búgingi kúnde Ózbekstan tek ǵana Oraylıq Aziyanıń emes, al global maydannıń isenimli platforması hám sherigi sıpatında atap ótilgen.

N.Abduraimova, ÓzA