Ózbekstan Respublikası Prezidentiniń tiyisli pármanları menen:

Fatxiddin Fazliddinovich Muxiddinov Ózbekstan Respublikası Prezidenti Administraciyası Májilisler hám aymaqlarǵa saparlar ushın analitikalıq kontent tayarlaw departamenti baslıǵınıń orınbasarı lawazımına tayınlandı;

Xusniddin Kamalitdinovich Xashimov Ózbekstan Respublikası Prezidenti Administraciyası Májilisler hám aymaqlarǵa saparlar ushın analitikalıq kontent tayarlaw departamenti baslıǵınıń orınbasarı lawazımına tayınlandı hám usı múnásibet penen Ózbekstan Respublikası Prezidenti Administraciyasınıń Rejelestiriw hám málimleme támiynatı departamenti Administraciya jumısınıń málimleme támiynatı sektorınıń baslıǵı lawazımınan bosatıldı;

Uluǵbek Rauf ulı Normatov Ózbekstan Respublikası Prezidenti Administraciyası Sırtqı baylanıslar departamenti baslıǵınıń orınbasarı lawazımına tayınlandı hám usı múnásibet penen Ózbekstan Respublikası Prezidenti Administraciyası Jámiyetlik pikirdi úyreniw hám tallaw sektorı jetekshi konsultantı lawazımınan bosatıldı.

Uluǵbek Shuxratjonovich Xusainov Basqarıw nátiyjeliligi agentligi direktorınıń wazıypasın atqarıwshı etip tayınlandı hám usı múnásibet penen Ózbekstan Respublikası Prezidenti Administraciyası Aymaqlar menen birge islesiw hám analitikalıq materiallardı tayarlaw departamenti basshısınıń orınbasarı lawazımınan bosatıldı;

Oybek Uluǵbekovich Umarov Ózbekstan Respublikası Prezidenti Administraciyası isler basqarıwshısınıń orınbasarı lawazımına tayınlandı hám usı múnásibet penen Ózbekstan Respublikası Prezidenti Administraciyası Finans-xojalıq departamenti xojalıq jumısı sektorınıń baslıǵı lawazımınan bosatıldı.