Ózbekstan Respublikası Prezidenti Shavkat Mirziyoev tárepinen qol qoyılǵan “Mámleketlik basqarıw sistemasında effektivlilik, proaktivlik hám nátiyjelilikti arttırıw ilajları haqqında”ǵı párman menen ministrlikler hám uyımlardıń qarar qabıl etiwdegi erkinligi arttırıladı. Bunıń menen baylanıslı byurokratiyalıq processler qısqaradı, olardıń proaktiv jumıs islewi ushın imkaniyatlar keńeytiledi.

Húkimet qararları, uyımlıq hújjetler hám jergilikli mámleketlik hákimiyat uyımlarınıń hújjetleri menen tártipke salınatuǵın máselelerdiń dizimi belgilenedi.

Endi uyımlar ózlerine tiyisli tarawdı erkin tártipke salıw wákilligi sheńberinde normativlik-huqıqıy hújjetler qabıl ete aladı.

Uyımlıq hújjetlerdi Ádillik ministrliginde mámleketlik dizimnen ótkeriwde qayta islew (redaktorlaw) imkaniyatı jaratıladı. Uyımlıq hújjetlerdi xalıqaralıq standartlarǵa beyimlestiriw procesinde olarǵa huqıqıy normalardı kirgiziwge ruqsat beriledi.

ÓzA