Tórtkúl rayonı Xalıq qabıllawxanası imaratında rayon hákimi I.Xudaybergenovtıń puqaralarda qabıllawı bolıp ótti. Onda tiyisli shólkem hám uyımlardıń basshıları da qatnasıp, múrájatlar boyınsha ornında múnásibet bildirdi.

Itibarlı tárepi sonda, puqaralardıń mashqalaların jedel hám nátiyjeli sheshiw maqsetinde bunday qabıllawlar endi hár kúni shólkemlestiriletuǵın boldı. Bul bolsa xalıqtıń talap hám mútájliklerin tikkeley juwapkerlerdiń qatnasıwında tıńlaw hám sheshiw imkaniyatın jaratadı.

Rayon hákimligi Málimleme xızmeti bóliminiń maǵlıwmatına bola, hár kúnlik qabıllawlar arqalı rayon xalqına mámleketlik uyımlar menen sóylesiw biraz ańsat boladı. Múrájatlardıń óz waqtında kórip shıǵılıwı, mashqalalarǵa jedel sheshim tabılıwı xalıqtıń razılıǵın arttırıwǵa xızmet etedi.

Bul baslama arqalı mámleket penen puqara arasındaǵı qatnasıqlar jáne de jaqınlasadı, orınlardaǵı máseleler bolsa keshiktirmey sheshiledi.

Qaraqalpaqstan xabar agentligi