Ózbekstan Sawda-sanaat palatası Qaraqalpaqstan Respublikası basqarmasında isbilermenlerdiń qatnasıwında “Xalıqaralıq tán alınatuǵın sertifikatlardıń zárúrligi hám abzallıqları” atamasında ilaj bolıp ótti.

Onda Ózbekstan standartlar institutı direktorınıń orınbasarı A.Samijanov, bas qánigesi M.Qilishov hám Isbilermenlik subektleriniń huqıqları menen nızamlı máplerin qorǵaw boyınsha wákil apparatınıń jetekshi inspektorı B.Davkaraev óz bayanatları menen qatnasıp, tarawdaǵı óndirislik hám eksport jumısların rawajlandırıw boyınsha ámeliy hám ilimiy usınısların berip ótti.

Ilajda ónimlerdi jáhán bazarına alıp shıǵıwda xalıqaralıq standartlarǵa muwapıq sertifikatlastırıwdıń áhmiyeti, isbilermenlik subektleri ushın imkaniyatları hám básekige shıdamlılıqtı arttırıwda tutqan ornı hár tárepleme talqılandı.

Ilaj dawamında qatnasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi.