Búgin, yaǵnıy 2025-jıl 2-iyul sánesinen baslap bajıxana shegaraların kesip ótip atırǵan puqaralar tárepinen jolawshı bajıxana deklaraciyası jańalanǵan formattaǵı blankalarǵa toltırıladı,-dep bajıxana basqarmasınıń baspasóz xızmeti xabar bermekte.

Atap aytqanda, “Jolawshı bajıxana deklaraciyasın toltırıw hám rásmiylestiriw haqqında”ǵı qollanba (instrukciya)ǵa ózgerisler hám qosımshalar kirgizildi.

Jańa túrdegi jolawshı bajıxana deklaraciyası aldınǵı formalardan profilaktikalıq hám informaciyalıq áhmiyetke iye ekenligi menen ajıralıp turadı.

Onda mámleketimiz aymaǵına tovarlardı bajısız alıp kiriw hám onnan bajısız alıp shıǵıw normaları, milliy hám sırt el valyutasın rezident hám rezident emesler tárepinen alıp ótiw tártibi, qadaǵan etilgen tovarlar dizimi de keltirilgen.

Endi, jolawshılardıń bajıxana qadaǵalawınan ámeldegi nızamshılıq talapları tiykarında ótiwi talap etiledi.

Basqarma nızamshılıqtı bilmew juwapkershilikten azat etpeytuǵının hám alıp kiriw normaları sheńberinen asqan tovarlardı deklaraciyalamaw juwapkershilikke sebep bolıwı múmkin ekenligin eskertedi.

Qaraqalpaqstan xabar agentligi.