Keshe Rossiyanıń Ekaterinburg qalasında policiya reydlerinen keyin eki ázerbayjanlı qaytıs boldı. Buǵan narazılıq belgisi sıpatında tuwısqan mámleket rásmiyleri RF mámleketlik hám jeke menshik mákemeleri tárepinen rejelestirilgen barlıq mádeniy ilajlardı keshiktirdi, dep jazǵan “Euronews”

Ázerbayjan Mádeniyat ministrliginiń jazıwınsha, koncert, kórgizbe, festival hám tamashalar “Rossiya huqıq qorǵaw uyımları tárepinen Ekaterinburgta etnikalıq tiykarda ázerbayjanlarǵa qarsı maqsetli hám sudsız adam óltiriw, zorlıq háreketi” sebepli qaldırılǵan.
– Keyingi waqıtta bunday jaǵdaylar sistemalı túrge endi, – delingen xabarda.
Ázerbayjan Sırtqı isler ministrligi “isti tezlik penen tekseriw, qabıl etip bolmaytuǵın bunday zorlıq háreketi ushın juwapkerlerdi múmkin bolǵanınsha tezirek jazalaw”dı talap etpekte.
Rossiya huqıq qorǵaw uyımları juma kúni Ural tawınıń etegindegi sanaat qalashasında ázerbayjanlar jasaytuǵın úyde reyd ótkergen. Nátiyjede eki adam qaytıs bolǵan, bir neshe adam awır jaraqatlanǵan. Ámeliyat waqtında toǵız ázerbayjanlı qamaqqa alınǵan.

Muslim Ziyo, ÓzA