Ózbekstan Respublikası Prezidentiniń qararı

Mámleketimizde barlıq tarawlarda ámelge asırılıp atırǵan reformalarda ayrıqsha belsendilik kórsetip, óziniń bilim hám qábileti, umtılısı, intakerligi hám nátiyjeli miyneti menen Watanımızdıń rawajlanıwın arttırıw, Jańa Ózbekstannıń xalıqaralıq kólemdegi abırayın jáne de arttırıwǵa úlken úles qosıp kiyatırǵan, joqarı mánawiyatlı, erkin pikirleytuǵın, keń dúnyaqaras hám joqarı potencialǵa iye, xalıq mápi hám eldiń keleshegi ushın juwapkershilikti óz moynına alıwǵa uqıplı bolǵan pidayı hám márt ullarımızdı múnásip xoshametlew maqsetinde:
1. Ózbekstan Respublikası Prezidenti janındaǵı Mámleketlik sıylıqlar hám geraldika boyınsha komissiyanıń Qaraqalpaqstan Respublikası, wálayatlar hám Tashkent qalasınıń qábiletli jigitlerin ilim, bilimlendiriw, medicina, mádeniyat, ádebiyat, kórkem óner, sport, óndiris, áskeriy xızmet tarawları hám huqıq qorǵaw uyımlarındaǵı jumısında erisken ayrıqsha jetiskenlikleri ushın “Mard wǵlon” mámleketlik sıylıǵı menen sıylıqlaw haqqındaǵı usınısları qosımshadaǵı dizimge muwapıq maqullansın:
2. “Mard wǵlon” mámleketlik sıylıǵı menen sıylıqlanǵanlarǵa sıylıqlaw diplomları hám kókirek belgileri saltanatlı túrde tapsırılsın.
3. Ózbekstan Respublikası Ekonomika hám qarjı ministrligi “Mard wǵlon” mámleketlik sıylıǵı iyeleriniń hár birine bazalıq esaplaw muǵdarınıń 50 esesi muǵdarında aqshalay sıylıq beriliwin támiyinlesin.
4. Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi, Ózbekstan Milliy málimleme agentligi, Ózbekstan Milliy teleradiokompaniyası hám basqa ǵalaba xabar qurallarına «Mard wǵlon» mámleketlik sıyılıǵı iyeleriniń ibratlı jumısı, olardıń siyrek ushırasatuǵın qábileti hám erisken jetiskenliklerin keńnen sáwlelendirip barıw usınıs etilsin.
5. Usı qarardıń orınlanıwın qadaǵalaw Ózbekstan Respublikasınıń Bas ministri A.N.Aripov hám Ózbekstan Respublikası Prezidenti keńesgóyi Ǵ.Ǵ.Mirzaevqa júklensin.

Ózbekston Respublikası
Prezidenti Sh.Mirziyoev
Tashkent qalası,
2025-jıl 28-iyun

***

Ózbekstan Respublikası Prezidentiniń
2025-jıl 28-iyundaǵı
PQ-208-sanlı qararına qosımsha

«Mard wǵlon» mámleketlik sıyılıǵı menen sıyılıqlanǵanlardıń DIZIMI

Qaraqalpaqstan Respublikası boyınsha:

Xojabekov Batırbek Jolmurzaevich – Ózbekstan Respublikasi Milliy gvardiyasınıń Qaraqalpaqstan Respublikası boyınsha basqarması áskeriy bólimi sport toparınıń instruktorı
Eshniyazov Islam Saparbaevich – Berdaq atındaǵı Qaraqalpaq mámleketlik akademiyalıq muzıkalıq teatrınıń saxna ustası