Nókis rayonında Ózbekstan Respublikası Bas ministriniń orınbasarı, Shańaraq hám hayal-qızlar komitetiniń baslıǵı Zulayho Mahkamova basshılıǵında májilis bolıp ótti.

Májiliske Qaraqalpaqstan Respublikası Ministrler Keńesi baslıǵınıń orınbasarı- Shańaraq hám hayal-qızlar komitetiniń baslıǵı M.Ahmedova, bank tarawı basshıları hám rayon belsendileri qatnastı.
Ilajda aymaqtaǵı hayal-qızlardıń bántligin támiyinlew, olarǵa jeńilletilgen kredit beriw arqalı óz isbilermenlik jumısların baslawı ushın máhálledegi hákim járdemshileri jaqınnan járdem beriw kerekligi atap ótildi.
Sonday-aq, húrmetli Prezidentimizdiń 2025-jıl 14-mart kúngi «Shańaraq hám hayal-qızlar sistemasın jáne de jedellestiriw ilajları haqqında»ǵı PQ-103-sanlı qararınıń orınlanıw barısı boyınsha jumıslar dodalanıp, aldaǵı waqıtları isleniwi tiyis bolǵan jumıslar tiykarında rejeler belgilenip alındı.
Bunnan soń Shańaraq hám hayal-qızlar komitetiniń baslıǵı Z. Mahkamova rayondaǵı «Qırantaw» awıl puqaralar jıyınındaǵı “Shańaraq hám hayal-qızlar orayı”nıń jumısı menen jaqınnan tanıstı.
Oraydıń shólkemlestiriliwi Prezidentimiz tárepinen belgilep berilgen tiykarǵı baǵdarlar – jámiyette shańaraqlıq qádiriyatlardı saqlaw, hayal-qızlardıń jámiyetlik-siyasiy belsendiligin arttırıw hám jaslardı erkin turmısqa puqta tayarlaw sıyaqlı iygilikli maqsetlerge xızmet etedi.
Sonıń menen birge, orayda hayal-qızlardıń bántligin támiyinlew, olardı isbilermenlik jumısına tartıw hám jámiyetlik turmısta belsene qatnasıwın támiyinlewge qaratılǵan joybarlar haqqında máhálle hayal-qızları hám nuranıylar menen sáwbetlesti.

Qaraqalpaqstan xabar agentligi