AQSh ta aralasqan Izrail menen 12 kúnlik soqlıǵısıwdan keyin Iran qorǵanıw ministri Aziz Nosirzoda sırt elge birinshi saparın diplomatiya hám ekonomika boyınsha jaqın awqamlası esaplanǵan Qıtay Xalıq Respublikasınan basladı. Ol Shanxay birge islesiw shólkemi májilisinde qatnasqan toǵız mámleket wákillerinen biri boldı, dep jazdı CNN.

NATO jetekshileri Gaagada jıynalǵan, Donald Tramp AQSh Iran menen yadro baǵdarlaması máselesi boyınsha itimallı kelisim boyınsha “kelesi háptede” ushırasatuǵının aytqan waqıtqa tuwra kelgen bul ánjumanda QXR wákili Dong Jun, sonıń ishinde, bılay dedi:
– Bir táreplemelik hám protekcionizm kúsheyip barmaqta, gegemonlıq, bálentpárwaz bildiriwler hám zorlıq háreketleri xalıqaralıq tártipti sezilerli dárejede buzadı. Biz ShBSh quramındaǵı barlıq mámleketlerdi muwapıqlastırıwdı kúsheytiw, xalıqaralıq ádillikti qorǵaw hám global strategiyalıq turaqlılıqtı qollap-quwatlawǵa shaqıramız.
Qıtay rásmiy málimleme agentligi “Sinxua” xabarına bola, qatnasıwshı mámleketler áskeriy sheriklikti bekkemlew hám rawajlandırıwǵa tayarlıǵı isenimli ekenin de bildirgen.

Qaraqalpaqstan xabar agentligi