Rossiyanıń Sankt-Peterburg qalasında nızamsız migraciyaǵa qarsı gúresiw máseleleri boyınsha jumısshı topardıń májilisi bolıp ótti.

Onda Rossiya IIM Migraciya máseleleri boyınsha basqarma baslıǵınıń orınbasarı, policiya general-mayorı Vitaliy Yakovlev hám Ózbekstan Respublikası IIM Migraciya hám puqaralıqtı rásmiylestiriw bas basqarması baslıǵınıń birinshi orınbasarı, polkovnik Shuhrat Xwjaev qatnastı.
Tárepler eki mámlekettegi migraciyaǵa baylanıslı jaǵday, migraciya nızamshılıǵına kirgizilgen hám kirgiziliwi rejelestirilip atırǵan ózgerisler haqqında maǵlıwmat berdi.
Rossiya Federaciyasında bolıw múddetin buzǵan sırt el puqaralarınıń huqıqıy statusın tártipke salıw máselesine ayrıqsha itibar qaratıldı. Rossiya delegaciyasınıń wákilleri ózbekstanlı kásipleslerin bul baǵdarda xalıq arasında málimleme-túsindiriw jumısların kúsheytiwge shaqırdı.
Migraciya nızamshılıǵın buzǵan halda Rossiya aymaǵında bolıp turǵan sırt el puqaraları 10-sentyabrge shekem óz statusın tártipke salıwı múmkin ekenligi atap ótildi.
Sóylesiwler barısında tárepler sırt el puqaralarına migraciya qadaǵalawın ámelge asırıw, sonıń ishinde, Mámleketleraralıq málimleme bankin óz waqtında hám sapalı toltırıw boyınsha pikir alıstı.
Jumısshı topardıń keyingi birgeliktegi májilisi 2026-jılı Ózbekstanda ótkeriliwi rejelestirilgen.

Aziza ALIMOVA tayarladı, ÓzA