Ózbekstan mámleketlik denetárbiyası hám sport universiteti Nókis filialında 2025-2026-oqıw jılına Abiturientlerden hújjetlerdi qabıllawdıń barısına baǵıshlanǵan ǵalaba xabar quralları wákilleri ushın baspasóz konferenciyası bolıp ótti.

Baspasóz konferenciyasında Qabıllaw komissiyasınıń juwaplı xatkeri Azamat Primbetov ǵalaba xabar quralları wákillerine 2025-2026-oqıw jılı ushın abiturientlerden hújjetlerdi qabıllawdıń barısı, filialda bar hám jańadan ashılıp atırǵan qánigelikler, sonday-aq, kásiplik (dóretiwshilik) imtixanlardıń bolıp ótetuǵın orınları, talabanlardı bahalaw kriteriyaları, qanday abiturientlerge kásiplik (dóretiwshilik) imtixanlar haqqında keń túrde maǵlıwmatlar berdi.
Óz gezeginde jurnalistler de búgingi kúni bul joqarı oqıw ornına abiturentlerdi qabıllaw boyınsha keń jámiyetshilikti qızıqtırıp júrgen máseleler boyınsha sorawlar berip, olarǵa juwap aldı.
Ótkerilgen ilajda filial direktorınıń orınbasarı B.Utemuratov jurnalistlerdi «27-iyun – Baspasóz hám ǵalaba xabar quralları xızmetkerleri kúni» múnásibeti qızǵın qutlıqlap, filial jumısın keń jámiyetshilikke operativ túrde jetkeriwde jaqınnan járdem berip kiyatırǵan taraw pidayılarına Minnetdarshılıq xatı hám estelik sawǵaların tapsırdı.

Qaraqalpaqstan xabar agentligi