Mámleketlik kadastrları palatası Qaraqalpaqstan Respublikasi basqarmasınıń baslıǵı Sardar Urunbaevtıń Kegeyli rayonında kóshpeli qabıllawı bolıp ótti.

Onda S.Urunbaev rayonlıq kadastr juwapkerleri menen birgelikte rayon turǵınlarınıń múrájatların tıńlap, olardıń mashqalaların nızamlı túrde unamlı sheshiw máseleleri kórip shıǵıldı.
Fizikalıq hám yuridikalıq tárepler jaǵınan jigirmadan aslam múrájat kelip túsken bolsa, sonnan onǵa shamalas múrájat sol jerdiń ózinde unamlı sheshildi hám qalǵan múrájatlardı kórip shıǵıw ushın juwapkerlerge tapsırmalar berildi.
– Turaq jayımnıń shegarasın anıqlap beriw boyınsha múrájat etip edim, múrájatım sheshildi kadastr xızmetkerleri kelip anıqlıq kirgizip beretuǵın boldı,-deydi puqara S.Niyetullaev.
Huqıq belgilewshi hújjet penen jer alıp edim. Soǵan jayıma kadastr hújjetin isleteyin dep barmagan jerim qalmadı. Búgingi qabıllawda múrájat ettim. Jumısım pitetuǵın boldı,-deydi Q.Perdeshov.
Xalıqtıń kadastr tarawındaǵı mashqalaların tıńlaw hám múrájatların kórip shıǵıw maqsetinde ótkerilip atırǵan ilajlar dawam etpekte.

Qaraqalpaqstan xabar agentligi.