Ózbekstan Respublikası Prezidenti Shavkat Mirziyoevtiń Mongoliyaǵa mámleketlik saparı sheńberinde Birinshi xanım Ziroat Mirziyoeva hám Mongoliya Prezidentiniń ómirlik joldası Luvsandorj Bolorceceg ushırasıw ótkerdi.

Sóylesiwde Ózbekstan Prezidentiniń Mongoliyaǵa dáslepki saparı hám onıń sheńberindegi joqarı dárejedegi sóylesiwler mámleketlerimiz arasındaǵı qatnasıqlarda jańa basqıshtı baslap beretuǵını qanaatlanıwshılıq penen atap ótildi. Bilimlendiriw tarawındaǵı hám mádeniy-gumanitarlıq birge islesiwdi bekkemlew máseleleri dodalandı.
Soń Birinshi xanımlar Ulan-Bator qalasında jaylasqan CHayjin-lama ibadatxana-muzeyine bardı.
XX ásirdiń baslarında qurılǵan bul kompleks tibet-mongol budda kórkem óneriniń biybaha esteligi bolıp esaplanadı.
Sapar etiw waqtında Birinshi xanımlarǵa komplekstiń arxitekturası, onda saqlanıp atırǵan áyyemgi estelikler, medicina dástúrlerine baylanıslı eksponatlar hám tibet-buddalıq nızamlar toplamı haqqında tolıq maǵlıwmat berildi.
Sonday-aq, Ziroat Mirziyoeva muzeydiń mádeniy-aǵartıwshılıq jumısı, turizmdi tartıwdaǵı roli hám jas áwladtı ruwxıy tárbiyalawdaǵı áhmyieti menen tanıstı.

ÓzA