Ámiwdárya rayonında korrupciyaǵa qarsı gúresiw boyınsha áhmiyetli májilis shólkemlestirildi. Ilajda Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bóliminiń baslıǵı B.Matmuratov qatnasıp, temaǵa baylanıslı tolıq bayanat jasadı.

Májiliste Ekonomikalıq jınayatlarǵa qarsı gúresiw departamenti hám rayon hákiminiń orınbasarları, deputatlar, máhálle baslıqları hám hákim járdemshileri de belsene qatnastı, – dep maǵlıwmat beredi Ámiwdárya rayonı hákimliginiń Málimleme xızmeti bólimi.
Juwapkerler tek ǵana májilis sheńberinde emes, al ámelde de korrupciyaǵa qarsı gúresiw jaǵdayın úyreniwge ayrıqsha itibar qarattı. Atap aytqanda, 36-sanlı ulıwma bilim beriw mektebinde, Boyovul máhállesi hám rayonlıq medicina birlespesinde bolıp, mámleketlik xızmetlerdiń ashıq-aydınlıǵı, múrájatlar menen islesiw tártibi hám ishki qadaǵalaw sistemasınıń nátiyjeliligi sıyaqlı áhmiyetli tárepleri hár tárepleme tallandı.
Bunday ilajlar korrupciyaǵa qarsı gúresiwde ámeliy qádemler sıpatında úlken áhmiyetke iye hám jámiyette ashıq-aydınlıqtı bekkemlewge xızmet etedi.

Qaraqalpaqstan xabar agentligi