2025-jılǵı Ózbekstan Respublikası Ministrler Kabinetiniń 665-sanlı qararına muwapıq, Beruniy rayonındaǵı ishki jollardı saqlaw hám ońlaw jumısları keń kólemde ámelge asırılmaqta. Usı qarar sheńberinde rayonnıń túrli máhálle hám kóshelerinde jámi 8,3 kilometr ishki asfalt jollardı ońlaw rejelestirilgen.

Búgingi kúnde usı jol ońlaw baǵdarlamasınıń bir bólegi sıpatında Serquyush kóshesindegi asfalt qaplamasında ońlaw jumısları jedel alıp barılmaqta. Bul ilajlar jergilikli xalıq ushın jol háreketi qáwipsizligin arttırıw, transport qurallarınıń úzliksiz háreketleniwin támiyinlew hám ulıwma infrastrukturanı jáne de jaqsılawǵa qaratılǵan.
Keleshekte bul jollar rayon xalqı hám miymanları ushın qolaylı hám qáwipsiz háreketleniw ortalıǵın jaratıwǵa xızmet etedi. Bul bolsa jergilikli ekonomikalıq hám sociallıq jumıslardıń rawajlanıwına unamlı tásir kórsetedi.

Qaraqalpaqstan xabar agentligi