Ukraina prezidenti Vladimir Zelenskiy AQShtıń 22-iyun kúni Irandaǵı yadro obektlerine bergen soqqısın maqulladı. Siyasatshı Rossiya Ukraina aymaqların Irannıń Shahed dronları menen nıshanaǵa alıp atırǵanın esletip ótti.

Ukraina aspanına Shahed dronlarınıń jańa tolqınları jawmaqta. Rossiya bunday qurallardı qay jerden alǵanın hámmemiz jaqsı esleymiz. Irannıń Rossiyanı qollap-quwatlaw boyınsha qararları mámleketimiz hám basqa da kóplegen mámleketler ushın úlken búlginshilik hám shıǵınlarǵa alıp keldi. Buǵan noqat qoyıw kerek. Urısqa yadro quralı pútkilley aralaspawı kerek, dedi Zelenskiy.
Iran menen kelispewshilik baslanǵannan keyin Izrailda qalǵan sırt elliler mámleketti samolyotta tárk etiwi múmkin boladı. Izrail 23-iyun kúni mámleketti tárk etiwdi qálewshiler ushın reysler shólkemlestiriwdi baslaǵan. Birinshi kúni mıńnan aslam sırt el adamı mámleketten shıǵarıp jiberiledi. Biraq párwaz ushın sheklewler de ornatılǵan. Sonıń ishinde, bir bort 50 jolawshıǵa shekem tasıwı múmkin. Reysler Tel-Avivtegi Ben Gurion xalıqaralıq aeroportınan ámelge asırıladı.
Izraildıń Iranǵa qarsı operaciyasın Rossiyanıń Ukrainaǵa basqınshılıǵı menen salıstırıwǵa bolmaydı, sebebi Kiev Rossiyanıń bar ekenligine hesh qanday qáwip tuwdırmaǵan.
Men Izrail xalıqaralıq huqıqqa ámel etpey atır, degen pikirge tolıq qosıla almayman. Mámlekettiń bar ekenligi Iran yamasa XAMAS tárepinen gúmanǵa alınǵanda, buǵan xalıqaralıq huqıq sheńberinde juwap beriw ańsat emes. Eger kimlerge Izrail mámleketin joq etiw tilegin ashıqtan-ashıq aytıwǵa ruxsat berilse, onda Izrail ózin qorǵaw huqıqına iye bolıwı kerek, dedi Merkel.
Izrail kúshleri XAMAStıń 2023-jılǵı hújiminen berli Gaza sektorında saqlanıp atırǵan 3 tutqınnıń denesin qaytarıp aldı. Izrail armiyası 22-iyun kúni Ofra Keydar, Yonatan Samerano hám ásker Shay Levinsonnıń deneleri arnawlı operaciya nátiyjesinde qaytarıp alınǵanın aytqan.
Rossiya 23-iyun kúni Ukraina paytaxtı Kiev qalasına hújim etti. Hádiyse aqıbetinde 3 adam qaytıs boldı, 13 adam jaraqatlandı. Hújim aqıbetinde turaq jaylar, biznes orayı, mektep, metro bándirgisi hám basqa da imaratlar zıyan kórgen. Qurbanlar sanı artıwı kútilmekte. Jámi 10 adam, sonıń ishinde, 2 bala hám hámiledar hayal qutqarıp alınǵan.
AQSh 22-iyun kúni Irannıń úsh yadro obektine bergen soqqıları ushın juwap alıwı kerek. Bul haqqında mámleket prezidenti Masud Pezeshkiyon francuz kásiplesi Emmanuel Makron menen telefon arqalı sóylesiwde málim etti.
Iran prezidentiniń atap ótiwinshe, túngi hújimler Amerika tárepiniń tınısh sóylesiw boyınsha “bayanatlarınıń tiykarsız ekenliginen dárek beredi”.

Iroda Jwraeva, Uluǵbek Twxtaev (video), ÓzA