Oliy Majlis Nızamshılıq palatasındaǵı «Adolat» SDP frakciyası májilisinde valyuta hám bahalı metallar hám bahalı taslar mashqalası menen baylanıslı qatnasıqlardı jetilistiriwge qaratılǵan nızam joybarı dodalandı.

Nızam joybarı búgingi kúnde valyuta qunlılıqlarınıń nızamsız aylanısına qarsı gúresiw tarawında bir qatar mashqalalar hám huqıqıy boslıqlardıń bar ekenligi hám olardı saplastırıw zárúrligine baylanıslı islep shıǵılǵan. Usı maqsette Jınayat kodeksine hám Hákimshilik juwapkershilik haqqındaǵı kodekske bahalı metallar hám bahalı taslardı nızamǵa qarsı túrde alǵanı yamasa ótkergeni ushın hákimshilik hám jınayıy juwapkershilikti názerde tutatuǵın qosımshalar kirgizilmekte.

Dodalawlar dawamında frakciya aǵzaları bul nızam joybarı zergerlik tarawındaǵı nızamsız jumısqa baylanıslı juwapkershilikti belgilewde unamlı qádem ekenin atap ótti. Bazardı tártipke salıw arqalı mámlekettiń ulıwma ekonomikalıq kórsetkishlerine unamlı tásir etiw múmkin ekenligi tán alındı.

Frakciya aǵzaları bul nızam joybarı valyuta jáne bahalı metallar hám bahalı taslar tarawındaǵı nızam hújjetleriniń birdey qollanılıwına, huqıqbuzarlıqlardıń erte aldın alıwǵa xızmet etetuǵının atap ótti.

M.Komilova, ÓzA