Búgin Ózbekstan Respublikası Bas ministriniń orınbasarı – ekonomika hám qarjı ministri Jamshid Qwchqorov hám Malayziya Bas ministriniń orınbasarı – energetika hám suw transformaciyası ministri Fadillah Yusuf basshılıǵındaǵı delegaciya arasında ushırasıw ótkerildi.

Ushırasıwda eki tárepleme birge islesiwdi jáne de rawajlandırıw, birgeliktegi joybarlardı keńeytiw hám ámeliy tájiriybe almasıw máseleleri dodalandı. Sóylesiw waqtında yarımótkizgishler islep shıǵarıw tarawındaǵı joybarlardı ámelge asırıw máselelerine ayrıqsha itibar qaratıldı. Sonday-aq, islam qarjısın engiziw, bul baǵdarda texnikalıq járdem kórsetiw hám qollap-quwatlaw boyınsha da sóz etildi.
Tárepler suw resurslarınan nátiyjeli paydalanıw hám ishimlik suwı támiynatın zamanagóy texnologiyalar tiykarında jetilistiriw máselelerin de dodaladı.
Ministrliktiń málimleme xızmetine bola, onda kishi hám orta isbilermenlikti qollap-quwatlaw, atap aytqanda, biznes subektleri ushın ESG principlerin qabıl etiw hám engiziwde birge islesiwdi jolǵa qoyıw boyınsha da pikir alısıldı.
Sóylesiwler juwmaǵında Ózbekstan hám malayziya paydalı birge islesiwdi jáne de bekkemlew hám birgeliktegi baslamalardı ámelge asırıwǵa kelisip aldı.

N.Ziyodullaeva, ÓzA