BrailleRecognition qosımshası tek ǵana kózi ázziler emes, al olardıń átirapındaǵı paydalanıwshılar – ata-ana, oqıtıwshı, medicina xızmetkerleri ushın da ámeliy sheshim sıpatında usınıldı. Onıń járdeminde Brayl álipbesin bilmegen insan da qosımsha arqalı kózi ázzi balanıń jazıwın oqıwı yamasa esitiwi múmkin.

Bul imkaniyat, bárinen burın, shańaraq aǵzalarına perzentiniń dápterin tekseriw, pedagoglarǵa bolsa tapsırmalardı bahalawda járdem beredi. Informaciyanı dawıslı túrde esitiw funkciyası bolsa hár qıylı jastaǵı paydalanıwshılar ushın qolaylıq jaratadı.
BrailleRecognition joybarı AloqaBank tiń texnologiyalıq hám sociallıq baslaması nátiyjesi bolıp, ol jámiyette sanlı inklyuziyanı rawajlandırıwǵa xızmet etiwi kútilmekte. Qosımsha bilimlendiriw procesinde teńlikti ámeliy támiyinlewde áhmiyetli orın iyeleydi.

Qaraqalpaqstan xabar agentligi