Aldın xabar berilgenindey, “Áhmiyetli 90 kún” baǵdarlaması sheńberinde oqıwshı jaslardıń jazǵı dem alıs waqıtların mazmunlı hám nátiyjeli shólkemlestiriw maqsetinde Ózbekstan Sawda-sanaat palatası Qaraqalpaqstan Respublikası basqarmasında mektep oqıӯshıları ushın «Jazǵı biznes dem alıw orayı» shólkemlestirilgen edi.

Orayda mektep oqıӯshılarına biznes hám ekonomika boyınsha túsinikler berilip, seminarlar, tájiriybeli isbilermenler menen ushırasıӯlar shólkemlestirilmekte.
“Áhmiyetli 90 kún” baǵdarlaması sheńberinde shólkemlestirilgen gezektegi seminarda Nókis qalasındaǵı Muxammed Al-Xorezmiy atındaǵı qánigelestirilgen mekteptiń joqarı klass oqıwshıları qatnastı.
Seminar dawamında oqıwshı jaslarǵa isbilermenlik jumıslarınıń tiykarları, biznesti shólkemlestiriw processleri hám bazar ekonomikasınıń zamanagóy talapları haqqında ámeliy túrde maǵlıwmatlar berildi.
Álbette, usınday ilajlar jas áwladtıń intellektuallıq hám kásiplik potencialın arttırıwǵa, olarda isbilermenlikke bolǵan qızıǵıwshılıqtı qáliplestiriwge xızmet etedi.
Baǵdarlama sheńberindegi ilajlar dawam etpekte.

Qaraqalpaqstan xabar agentligi