Kúni keshe sociallıq tarmaqlarda toy máresiminde shegirtkeler basqını júz bergeni haqqında xabarlar tarqaldı. Bul jaǵday boyınsha Ósimlikler karantini hám onı qorǵaw agentliginiń Shegirtke hám tut gúbelegine qarsı gúresiw xızmeti bólim baslıǵı Bahodir Xudoyqulovqa soraw menen múrájat ettik.

– Ózbekstanda shegirtkelerdiń kóbeyip ketpewi ushın qanday ilajlar alıp barılmaqta hám sociallıq tarmaqlarda shegirtkeler basqını menen baylanıslı jaǵdaylar kóp ushırasıp atırǵanın qalay túsindiresiz?
– Oraylıq Aziya zıyanlı shegirtkelerdiń oshaǵı esaplanadı. Sonıń ishinde, respublikamızda bul jánliklerdiń 200 den aslam túri bar. Sonnan hár jılı 6 yamasa 8 túrine qarsı ximiyalıq gúres alıp barıladı. Bıyıl da respublikamızda 608 mıń gektarda ximiyalıq dárilew jumısların alıp barıw belgilengen bolıp, qánigelerimiz tárepinen usı sutkada 503 mıń gektarda zıyanlı shegirtkelerge qarsı gúresiw jumısları shólkemlestirildi.
Respublikamızǵa shegaralas aymaqlarda hár jılı shegirtkelerdiń ushıp ótiw qáwpi bar. 22-martta zıyanlı shegirtkeler shıǵa baslaydı. Qubla wálayatlarımızda olardıń oshaqları baqlandı hám agentliktiń joqarı ónimli texnikaları járdeminde saplastırıldı.
Usı kúnleri kúni-túni sociallıq tarmaqlardaǵı toy bázimindegi waqıyaǵa anıqlıq kirgizetuǵın bolsaq, seksewil búkir shegirtkesi Túrkmenstannıń Lebap wálayatında bolǵan waqıya ekenligi hám usı aymaq juwapkeri menen baylanısqanımızda jáne de anıq boldı.
Húrmetli puqaralar, Ózbekstanda zıyanlı shegirtkelerge baylanıslı jaǵday qadaǵalaw astında. Kúsheytilgen baqlaw hám ximiyalıq qayta islewler 24/7 rejiminde alıp barılmaqta. Zıyanlı shegirtkeler tarqalǵan aymaq haqqında xabardar bolsańız 1288 yaki 712021000 telefon nomerlerine dárhal xabarlasıwıńızdı soraymız.

Sanjar Toshpolatov, Nishonboy Abduvoyitov, Uluǵbek Twxtaev (video), ÓzA