Nókis qalası 1-sanlı sport mektebinde sporttıń grek-rim, erkin gúres hám hayal-qızlar gúresi túrinen áskeriy xızmetkerler arasında Ózbekstan Respublikası Milliy gvardiyası birinshiligi jarısı bolıp ótti.

Jarısta mámleketimizdiń barlıq aymaqlarınan 100 den aslam sportshılar 7 salmaq kategoriyasında jeńimpazlıq ushın óz-ara gúresti.
Qızǵın bellesiwlerge bay bolǵan jarıs juwmaǵında, ulıwma komandalıq esapta Milliy gvardiyanıń Qaraqalpaqstan Respublikası boyınsha basqarması palwanları birinshi orındı iyelewge miyasar boldı.
Sıylı ekinshi hám úshinshi orınlardı Milliy gvardiyanıń Surxandárya hám Xorezm wálayatları boyınsha basqarması iyelewge eristi.
Jarıs sońında jeńimpazlar shólkemlestiriwshiler tárepinen tayarlanǵan arnawlı diplom, medal, kubok hám estelik sawǵalar menen sıylıqlandı.

Qaraqalpaqstan xabar agentligi