Tashkent qalasında xalıqtıń ázzi qatlamlarına baylanıslı shaxslarǵa isleniwi múmkin bolǵan adam sawdasına qarsı gúresiw boyınsha seminar bolıp ótti.

Adam sawdasına qarsı gúresiw hám múnásip miynet máseleleri boyınsha milliy komissiya, Balalar ombudsmanı, EQBShnıń Adam sawdasına qarsı gúresiw boyınsha arnawlı wákili hám muwapıqlastırıwshı byurosı menen birgelikte shólkemlestirilgen ilajǵa ministrlikler hám uyımlar, MKSh wákilleri qatnastı.
Ózbekstanda EQBSh joybarların ámelge asırıw boyınsha tastıyıqlanǵan “jol kartası”n ámelge asırıw jáne “Ózbekstanda adam sawdasına qarsı gúresiwdiń milliy institucionallıq tiykarların bunnan bılay da rawajlandırıwǵa járdemlesiw” joybarı sheńberinde ótkerilgen ilajda ázzi toparlar ushın adam sawdasınıń artıp baratırǵan qáwip-qáterlerine itibar qaratıldı.
Adam sawdasına qarsı gúresiwdiń zamanagóy usılların ámeliyatqa engiziw, sonday-aq, óz-ara tájiriybe almasıw ushın platforma jaratıw máseleleri kórip shıǵıldı.
Qatnasıwshılar adam sawdasına qarsı gúresiw tarawındaǵı xalıqaralıq hám aldınǵı tájiriybeler menen óz-ara ortaqlastı. Adam sawdasınıń gender táreplerin hám psixologiyalıq aqıbetlerin tallawǵa tiykarlanǵan qatnaslar boyınsha pikirler bildirildi.
Interaktiv sessiyalar, topar dodalawları, ámeliy tapsırmalardı óz ishine alǵan bul ilaj qatnasıwshıları nátiyjeli usılda adam sawdası jaǵdaylarınıń aldın alıw, onnan jábirleniwshilerdi qorǵaw boyınsha zárúr bolǵan turaqlı bilimge iye bolıwǵa hám ózleriniń ámeliy kónlikpelerin qáliplestiriwge xızmet etti.

Norgul ABDURAIMOVA,
ÓzA xabarshısı