Ózbekstan Respublikası Oliy Majlisi Senatınıń Sud-huqıq máseleleri hám korrupciyaǵa qarsı gúresiw komitetiniń aǵzası, senator, Xalıq deputatları Ámiwdárya rayonlıq Keńesiniń deputatı Z.Bekatova hám Keńes sekretariatınıń baslıǵı, deputat M.Urazbaev saylawshılar menen ushırasıwlar ótkerdi,-dep maǵlıwmat beredi Ámiwdárya rayonı hákimliginiń Málimleme xızmeti bólimi.

Sóylesiwler dawamında Senattıń jalpı májilislerinde maqullanǵan nızamlar, sonday-aq, dodalanǵan áhmiyetli máselelerdiń mazmun-mánisi hám olardıń áhmiyeti haqqında keń jámiyetshilikke túsinikler berildi.
Sonday-aq, ushırasıwlarda aymaqtaǵı jumıssızlıq mashqalasın saplastırıw, jol hám transport infrastrukturasın jaqsılaw, awıl xojalıǵı tarawındaǵı áhmiyetli mashqalalar boyınsha pikir alısıldı.
Xalıq tárepinen bildirilgen usınıs hám mashqalalar tıńlandı, bar mashqalalar boyınsha ashıq pikirlesiw ótkerilip, berilgen sorawlarǵa hár tárepleme juwap berildi.
Sonday-aq, 10-Paxtakor saylaw okrugine kiretuǵın máhállelerde de bolıp, “máhálle jetiligi” quramındaǵı juwapkerler hám puqaralar menen sáwbetler shólkemlestirildi.

Qaraqalpaqstan xabar agentligi