Mámleketimiz tárepinen kem támiyinlengen, járdemge mútáj shańaraqlarǵa kórsetilip atırǵan insanıylıq járdemleri dawam etip, Qanlıkól rayonındaǵı jáne bir shańaraq turaq jayǵa iye boldı.

Atap aytqanda, usı rayondaǵı Jańa qala awıl puqaralar jıyınında kóp jıllardan berli turaq jay máselesinde qıynalıp kiyatırǵan Tórebiyke Uzakovanıń shańaraǵına Ózbekstan Respublikası Ministrler Kabinetiniń 2023-jıl 2-fevraldaǵı «Qaraqalpaqstan Respublikasında puqaralar ushın múnásip turmıs sharayatın jaratıw hám máhállelerdiń infrastrukturasın jáne de jaqsılaw ilajları haqqında»ǵı qararına tiykarlanıp, Qaraqalpaqstan Respublikası byudjetiniń qarjıları esabınan jańa imarat qurıp berilip paydalanıwǵa tapsırıldı.
Usı múnásibet penen rayon hákimi B.Sultanov jańa imaratta bolıp aymaq puqaraları menen ushırastı.
Awıl nuranıyları, belsendileri islengen jumıslarǵa joqarı baha berip, awıllasınıń jaylı bolǵanına birdey quwanıp, jańa imarat ushın aq pátiyaların berdi.
Shańaraq iyesi de bunday ǵamqorlıqlar ushın sheksiz minnetdarshılıǵın hám jaqsı tileklerin bildirdi.

Qaraqalpaqstan xabar agentligi