Tórtkúl rayonı hákimliginde janılǵı-energiya resurslarınan aqılǵa uǵras paydalanıw, olardan nızamsız paydalanıwdıń aldın alıw hám energiya nátiyjeliligin arttırıwǵa qaratılǵan májilis shólkemlestirildi.

Onda rayonǵa biriktirilgen Ózbekstan Bas prokuraturasınıń wákili, rayon prokurorı N.Djolamanov, sonday-aq, kárxana hám shólkemlerdiń juwapkerleri, elektr hám gaz támiynatı tarawınıń qánigeleri, qadaǵalaw uyımları hám jumısshı topar aǵzaları qatnastı, – dep maǵlıwmat beredi rayon hákimliginiń Málimleme xızmeti bólimi.
Májilis dawamında energiya resurslarınan paydalanıwda bar mashqalalar, sonıń ishinde, elektr hám ıssılıq energiyasınıń shıǵınların azaytıw, nızamsız jalǵanıwlardı anıqlaw jáne saplastırıw ilajları dodalandı.
Sonıń menen birge, energiyanı únemlew boyınsha ámeliy rejeler belgilep alınıp, xalıq arasında túsindiriw jumısların kúsheytiw, atap aytqanda, hár bir puqarada únemlew mádeniyatın qáliplestiriw zárúr ekenligi ayrıqsha atap ótildi.

Qaraqalpaqstan xabar agentligi