Sanlı infrastrukturanı rawajlandırıw jámiyet hám ekonomikanı ushın úlken payda keltiredi.

Sanlı infrastruktura: internet, maǵlıwmatlar orayları, sanlı tólem sistemaları biznes ushın jańa imkaniyatlar jaratadı.
Jańa jumıs orınları hám startaplar payda boladı.
Elektron kommerciyalıq hám xizmetler tarawı jedel rawajlanadı.
Sanlı infrastrukturanı rawajlandırıw tek ǵana ósiw emes, al sociallıq turaqlılıq, bilimlendiriw hám densawlıqtı saqlaw tarawlarında da joqarı bolıwdı támiyinleydi. Bul bolsa zamanagóy rawajlanıwdıń áhmiyetli tiykarı bolıp esaplanadı.
Sanlı texnologiyalar ministri Sherzod Shermatov Yaponiya Xalıqaralıq birge islesiw banki (JBIC) basqarıwshı baslıǵı Hayashi Nobumitsu basshılıǵındaǵı delegaciya menen ushırasıw dawamında Ózbekstanda sanlı infrastruktturanı rawajlandırıw hám ámeldegi joybarlardı qollap-quwatlaw máselelesin dodaladı.
Sonday-aq, sóylesiw dawamında tárepler óz-ara birge islesiwdiń házirgi jaǵdayı, keleshektegi rejeleri hám sanlı texnologiyalar tarawındaǵı jańa joybarlar boyınsha pikir alıstı. Sonıń menen birge, sanlı infrastrukturanı modernizaciyalaw, IT -bilimlendiriwdi rawajlandırıw hám xalıqaralıq bilimlendiriw mákemeleri menen birgeliktegi baǵdarlamalardı jaratıw, startap joybarlar arqalı innovaciyalıq ideyalardı ámelge asırıw máselelerine itibar qaratıldı.
Ushırasıw juwmaǵında tárepler óz-ara nátiyjeli sóylesiwdi dawam ettiriw, tiykarǵı joybarlardı qollap-quwatlaw hám jańa baslamalardı birgelikte islep shıǵıw boyınsha kelisip aldı.

ÓzA