Izrail Iranǵa preventiv soqqılar bergenin málim etti. Nıshanlar Irannıń yadro obektleri, raketa quwatlıqları hám áskeriy sárkardaları ekeni aytıldı. Netanyaxudıń aytıwınsha, operaciya «Iran tárepinen tuwılıp atırǵan qáwipti saplastırıw ushın qansha kún kerek bolsa, sonsha dawam etedi».

Iran mámleketlik ǵalaba xabar quralları IRQK sárkardası Husayn Salamiy, Qurallı Kúshler bas shtabı baslıǵı Muhammad Bageriy, yadroshı ilimpazlar Fereydun Abbosiy hám Muhammad Mehdi Tegeranchidiń qaytıs bolǵanı haqqında xabar bermekte. Sonday-aq, mámlekettiń Natanz qalasındaǵı tiykarǵı uran bayıtıw kárxanasında da jarılıwlar júz bergeni málim etilmekte.
AQSh operaciyada qatnaspaǵanın bildirdi. Solay bolsa da, Iran qurallı kúshleriniń wákili Izrail hám onıń tiykarǵı awqamlası AQSh hújim ushın «joqarı kompensaciya» tóleytuǵının aytıp, Vashingtondı operaciyanı qollap-quwatlawda ayıpladı.
Izrail bolsa Irannıń juwap soqqıların kútpekte, mámlekette ayrıqsha jaǵday járiyalandı.
Jaǵday fonında Ózbekstan SIM Iran hám Izraildegi Ózbekstan puqaraların qáwipsizlik ilajlarına qatań ámel etiwge hám bárqulla ózleri menen hújjetlerin alıp júriwge shaqırdı (elshxanalarımızdıń baylanıs nomerleri: Iranda: 22299780, 22832025; Izrailde: 03-672-2466, 054 485 1397).

Qaraqalpaqstan xabar agentligi