“Air India” aviakompaniyası Hindstannıń batısındaǵı Ahmadobod qalası aeroportı janında qulaǵan “Boeing-787 Dreamliner” bortındaǵı 242 jolawshıdan 241 i qaytıs bolǵanın tastıyıqladı.

– Ókinish penen málim etemiz, aman qalǵan jalǵız insan emlewxanada emlenbekte, – delingen bildiriwde.
Aldınıraq jergilikli hákimiyat hám ayrıqsha xızmetler uyımı apatshılıq aqıbetinde 310 adam, sonıń ishinde, samolyottaǵı 241 adam qaytıs bolǵanı málim etilgen edi.
Sońǵı maǵlıwmatlarǵa bola, tek 40 jasar hindstanlı Ullı Britaniya puqarası Ramesh Vishvashkumar ǵana aman qalǵan. Ol wayranshılıq astınan ózi shıǵıp, tez járdem mashinasınıń qasına júrdi.
Hindstan ǵalaba xabar quralları jábirleniwshige birinshi járdem kórsetilip atırǵanın sáwlelendiriwshi súwretti tarqattı.
Vishvashkumardıń sózlerine bola, ol tereze janında jaylasqan ápiwayı kategoriyalı, 11A sanlı orınlıqta otırǵan. Samolyot hawaǵa kóterilgeninen tek ǵana 30 sekund ótkennen keyin, onıń eslewinshe, kúshli jarılıw júz bergen. Sonnan keyin samolyot joqarı tezlikte tómenley baslaǵan. Ramesh penen birge házirshe táǵdiri belgisiz jolawshılarıń dizimge kirgizilgen aǵası da ushıp atırǵan edi.

S.Rahimov, ÓzA