Jeneva qalasında bolıp ótip atırǵan Xalıqaralıq miynet konferenciyasınıń 113-sessiyası sheńberińde Xalıqaralıq miynet shólkemi Bas direktorınıń orınbasarı Beate Andres penen ushırasıw ótkerildi.

Sóylesiw waqtında Ózbekstanda múnásip miynet boyınsha 2021-2025-jıllarǵa mólsherlengen mámleketlik baǵdarlama sheńberinde ámelge asırılıp atırǵan jumıslar dodalandı.
Mámleketimizde múnásip miynet principlerin alǵa qoyıw, Xalıqaralıq miynet shólkeminiń áhmiyetli konvenciyaların ratifikaciyalaw, xalıqaralıq standartlardı milliy ámeliyatqa keńnen engiziw baǵdarında ámelge asırılıp atırǵan jumıslar joqarı bahalandı.
Sonday-aq, Ózbekstanda 2030-jılǵa shekemgi dáwirge mámleketlik baǵdarlamanı islep shıǵıw máseleleri kórip shıǵıldı.
Onda Turaqlı rawajlanıw maqsetlerinde belgilengen tiykarǵı wazıpaylardıń orınlanıwına, kámbaǵallıqtı qısqartıw, sociallıq qorǵawdı kúsheytiw, úsh tárepleme milliy birge islesiwshilerdiń, mámleketlik miynet inspektorlarınıń kásiplik mamanlıǵın arttırıw máselelerine ayrıqsha itibar qaratıwǵa kelisip alındı.

Qaraqalpaqstan xabar agentligi