Erteń paytaxtımızdaǵı Oraylıq Aziya xalıqaralıq institutında «Áliysher Nawayı hám Abdurahman Jámiy miyrasınıń Oraylıq Aziya xalıqları doslıǵın bekkemlewdegi áhmiyeti» atamasında ózbek hám tájik xalıqlarınıń bul eki ullı shayırı jumısınıń regionallıq mádeniy qarım-qatnastı rawajlandırıwdaǵı ornına baǵıshlanǵan xalıqaralıq ilimiy-ámeliy konferenciya bolıp ótedi.

Ilajda ótkeriwshi mákeme wákillerinen tısqarı Áliysher Nawayı atındaǵı Xalıqaralıq jámiyetlik fondı, Ózbekstan hám Tájikstan jazıwshılar awqamları, Oraylıq Aziya mámleketleriniń jetekshi universitetleri hám ilimiy-izertlew orayları, diplomatiyalıq missiyalardıń wákilleri, sonday-aq, Qazaqstan, Qırǵızstan hám Túrkmenstannan belgili ádebiyattanıwshılar, mádeniyat ǵayratkerleri, ilimiy hám bilimlendiriw dárgaylarınıń xızmetkerleri qatnasadı.
Baǵdarlamaǵa bola, ashılıw máresiminen soń túrli temalarda sessiyalar, dóretiwshilik baǵdarlama, birge islesiw memorandumlarına qol qoyıw, ádebiy miyrastıń regionda gumanitarlıq baylanıslar hám milletleraralıq tatıwlıqtı rawajlandırıwǵa tásiri boyınsha ilimiy pikir alısıw názerde tutılǵan.
Bul ánjuman Oraylıq Aziya ullı oyshıllarınıń bay ruwxıy miyrasın keńnen úgit-násiyatlaw arqalı jaqın qońsıshılıq qatnasıqların bunnan bılay da bekkemlewge qaratılǵan keń kólemli ilajlar qatarında áhmiyetli waqıyaǵa aylanıwı kútilmekte.

Ǵ.Xonnazarov, ÓzA